بيتزا على طريقتي
كتاخد 2 مطيشات و1 فيفلة و1 بصلة و2 دروس توم كتحكهوم مزيان في الحكاكة وكديرهوم في كاسرونة يطيبو مع نصف كاس زيت زيتون وربع كاس زيت الرومية ونصف ضامة البنة كنور بقري وشوية الملح متكتروش حيت ديرو بحساب مطيشة الحك مالحة وكنور تاهو مالح وكنخليوهوم يطيبو حتا ينشفو من الماء صافي تولي لاصوص عاد كتزيد نصف ملعقة صغيرة ديال الابزار والسكنجبير والكمون سنيدة والطحميرة والخرقوم وشوية السودانية حسب الاختيار 1 ملعقة صغيرة السكر و1 معلقة كبيرة مطيشة الحك ونخلطو وديرو شوية دقزبور معدنوس مكرضين مزيان وتخلطوها وصافي .
ومن بعد كتاخد 2 خيزوات كتقشرهوم وتحكهوم في الحكاكة و2 كورجيطات وتحكهوم وكل واحد طيبو بوحدو في مقلة مع شوية الزيت الرومية والملح والابزار وتخليه تاينشفو من الماء وصافي
وكديرو الكفتة تاهية تشحر مع شوية الزيت والملح والابزار ونحيدوها ونشلظو واحد البصلة ونديروها فنفس مقلة في ن شحرنا الكفتة ونديرو ليها شوية الزيت والملح والابزار ونخليوها طيب تنزل الماء حتى صافي تنشف عاد نديرو ليها ديك الكفتة نخلطوهوم بجوج صافي ونطفيو ونخليوها تاهية على جنب
العجين : كناخدو 2 زلافات الدقيق القمح مع نصف زلافة الفورص وكنديرو الحفرة وسط ونضيفو ليه الملح والزيت الرومية مع شوية الزيت البلدية وكنبسبسو مزيان ومن بعد كنديرو خميرة العجين والماء دافي ونعجنو مزيان صافي ومن بعد كنديروهوم كويرات صغار وكنغطيوهوم يخمرو ومن بعد كنكرصوهوم بالقمح وتقبهوم بالفورشيط ضروري وكنطيبوهوم في الفران عاد وكنبداو نعمرو لاصوص هي الاولى ومن بعد الكورجيط والخيزو والكفتة والفروماج والفيفلة مقطعة شرائح ويمكن اضافة اي حاجة اخرى حسب الاختيار
Aucun commentaire:
Enregistrer un commentaire